Juyin Mulki: PRP Ta Bukaci ECOWAS Da Ta Rungumi Matakin Sulhu Da Sojojin Nijar

Jam’iyyar PRP ta bukaci kungiyar ECOWAS da ta yi amfani da hanyoyin diflomasiyya wajen yunkurin tunkarar gwamnatin mulkin soja a Jamhuriyar Nijar.

Shugaban jam’iyyar PRP na kasa Alhaji Falalu Bello ne ya bayyana hakan a wata sanarwa da ya fitar a Abuja.

• Nijar Da Nijeriya Abu Daya Ne, Ba Mu Yarda Da Matakin Soji Ba – El-rufa’i

“Jam’iyyar PRP ta na fatan cewa Nijeriya da ECOWAS za su warware matsalar da ke tattare da su cikin lumana ta hanyar tattaunawa ba tare da zubar da jini ba.

“Muna kira da babbar murya ga Shugaba Bola Tinubu a matsayinsa na Shugaban ECOWAS na yanzu, da ya himmatu wajen neman tattaunawa da diflomasiyya wajen warware matsalolin da ke faruwa a Jamhuriyar Nijar ba tare da daukar duk wani mataki da zai kai ga gwabza yaki ba.

“Muna kira ga Tinubu da ya mayar da hankali wajen magance matsalolin da ‘yan Nijeriya ke fuskanta, da suka hada da rashin tsaro, matsanancin talauci da rashin aikin yi ga matasa da sauransu.” inji Falalu

Sulaiman

+ postsBio

• Sulaiman

  Pew: Sin Ta fi Amurka Samun Amincewar Al’ummun Duniya
• Sulaiman

  Sin Ta Fitar Da Tsarin Sanya Ido Don Inganta Muhalli Da Muhallin Halittu Na Shekarar 2026 Zuwa 2030
• Sulaiman

  Nazari Game Da Damammakin Da Sin Ta Samar Cikin Rahoton Ci Gaban Tattalin Arzikinta Na Rabin Farkon Shekara
• Sulaiman

  Gwamna Bala Ya Rushe Kwamitin Gudanarwar Wikki Tourists Bayan Rashin Nasararta A Gasar NPFL