Juyin Mulki: Shugaban Kasar Gabon Ya Shaki Iskar ‘Yanci Bayan Hambarar Da Gwamnatinsa

Sojojin da suka yi juyin mulki a kasar Gabon sun saki hambararren shugaban kasar Ali Bongo daga kullen cikin gida da suka yi masa tun bayan hambarar da Gwamnatinsa a ranar Larabar makon da ya gabata.

Sojojin kuma, sun baiwa Bongo damar fita wajen kasar domin duba lafiyarsa.

• Nijar Ta Sake Bude Sararin Samaniyarta Bayan Juyin Mulki

Kakakin rundunar sojin kasar, Col Ulrich Manfoumbi ne ya sanar da ‘yancin Bongo a wata sanarwa da ya yi a gidan talabijin na kasar a yammacin Laraba.

Manfoumbi ya ce, an yanke shawarar ba Bongo ‘yanci ne sabida “yanayin lafiyarsa”, ya kara da cewa, “idan ya ga dama, zai iya fita kasashen waje don duba lafiyarsa,” in ji shi.

Bongo yana kan karagar mulkin kasar ne tun a shekarar 2009, lokacin da ya gaji mahaifinsa wanda ya shafe shekaru 41 yana mulkin kasar.

Sulaiman

+ postsBio

• Sulaiman

  Kasar Sin Ta Nuna Matukar Rashin Amincewarta Ga Jakadan Philippines Kan Tsokanar Fada A Ren’ai Jiao
• Sulaiman

  An Rufe Babban Taron AI Na Duniya Na 2026
• Sulaiman

  Li Qiang Ya Taya Andy Burnham Murnar Zama Sabon Firaministan Birtaniya
• Sulaiman

  Kasar Sin Ta Gabatar Da Matakan Bunkasa Bangaren Bayar Da Hidimomi A Cikin Gida