A yau Laraba 9 ga watan Satumba, mai magana da yawun ma’aikatar harkokin wajen kasar Sin Mao Ning, ta ce bunkasar fasahar AI a Sin ya samo asali ne daga karfin ikon dogaro da kai da karfin kimiyya da fasaha, wadanda alkiblar kasar mai nasaba da tsananin tuntubar masu ruwa da tsaki, da gudunmawar samar da gajiya, da burin aiwatar da hadin gwiwa a bude suka haifar.
Mao Ning, ta ce “Mun gamsu cewa dukkanin sassa na bukatar tabbatar ci gaban fasahar AI ya zamo a bude, ya game dukkanin sassa, kana ya ingiza kyautatuwar rayuwar bil’adama a matsayin wani karfi mai karko ga kowa”.
Jami’ar ta bayyana hakan ne a matsayin martani ga wasu rahotanni, dake cewa Amurka ta zargi wasu manyan dakunan gwaje-gwajen AI na Sin da kwaiwayi dabarun sarrafa fasahar mallakinta.
Mao, ta ce “Fatanmu shi ne bangaren Amurka zai aiwatar da matakai na gaskiya, dangane da muhimman kudurorin fahimtar juna da aka cimma tsakanin shugabannin kasashen biyu, ya kuma dakatar da zargin bangaren Sin da nufin bata suna. Ta ce a matsayin manyan kasashe a fannin fasahar AI, ya kamata Sin da Amurka su fadada hadin gwiwa. (Saminu Alhassan)
