Kotu Ta Bayyana Ministocin Tinubu A Matsayin Wadanda Suka Lashe Zaben Kujerar Majalisa

Abun al’ajabi, kotun sauraron kararrakin zabe ta tarayya ta ayyana Ministocin Kwadago a matsayin wadanda suka yi Nasara a zaben ‘Yan Majalisu da aka gudanar a ranar 25 ga watan Fabrairu.

A watan da ya gabata ne, shugaba Bola Tinubu ya rantsar da Simon Lalong a matsayin ministan kwadago da samar da ayyuka, sai kuma Nkeiruka Onyejeocha a matsayin karamar ministar kwadago da samar da ayyukan yi.

• Hadaddiyar Daular Larabawa Ta Dage Takunkumin Biza A Kan Nijeriya

Ministoci biyun, sun fafata amma sun sha kaye a zaben kamar yadda hukumar zabe mai zaman kanta ta kasa INEC ta bayyana.

Lalong na jam’iyyar APC ya fafata a zaben Sanatan Filato ta Kudu inda Napoleon Bali na jam’iyyar PDP ya kayar da shi, ita kuma Onyejeocha ta jam’iyyar APC ta fafata a mazabar Isuikwuato/Umunneochi na majalisar wakilai ta tarayya ta kuma sha kaye a hannun Amobi Ogah na Jam’iyyar Labour (LP).

Sakamakon rashin gamsuwa da sakamakon zaben, suka garzaya kotu don neman bibiyar sakamakon da INEC ta bayyana su a matsayin marasa nasara.

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar