Matashin dan kwallon Barcelona Lamine Yamal ya zama dan wasa mafi karancin shekaru da ya ci wa tawagar kasar Sipaniya kwallo a karawar da suka yi da Georgia a wasan neman gurbin shiga gasar Euro 2024.
Yamal mai shekaru 16 da kwana 57 ya canji Dani Olmo daf da za a tafi hutun rabin lokaci.
- Share Fagen Gasar Kofin Duniya; Messi Ya Zura Kwallo A Ragar Ecuador
- Hukumar Kwallon Kafar Brazil Ta Dakatar Da Antony Daga Buga Wasan Gida
Yamal ya karbe tarihin dan wasa mafi karancin shekaru da ya bugawa tawagar Sifaniya kwallo daga Gavi, wanda ke da shekaru 17 da kwanaki 62 lokacin da ya fara buga wa Spain wasa a shekara ta 2021.
Tun can dama matashin dan wasan Yamal shine mafi karancin shekaru da ya taka leda a gasar La Liga a Barcelona lokacin da ya fara taka leda a watan Afrilu.
Dan wasan wanda kocin Barcelona Xavi ya dora yardarsa akansa ya samu kyautar gwarzon dan wasa bayan ya taimaka aka zura kwallaye biyu a wasan da suka doke Villarreal da ci 4-3 a watan jiya.
