Firaministan kasar Sin Li Qiang, ya gudanar da taron majalisar gudanarwar kasar Sin a yau Juma’a 17 ga wata, inda ya saurari rahoto game da yanayin raya yankunan gwaji na ciniki cikin ‘yanci.
A yayin taron, an yi nuni da cewa, tun bayan gudanar da taron wakilan jam’iyyar Kwaminis ta Sin karo na 18, an samu jerin nasarori a yankunan gwaji na ciniki cikin ‘yanci, a fannonin zurfafa yin kwaskwarima a gida, da fadada bude kofa, da sa kaimi ga samun ci gaba da sauransu, wadanda suka taka muhimmiyar rawa a wannan fanni.
An ce yayin da ake fuskantar sabon yanayi da sabbin ayyuka, ya kamata a aiwatar da manufofin raya yankunan gwaji na ciniki cikin ‘yanci, da kyautata tsarinsu, don samar da gudummawar raya kasar Sin bisa manyan tsare-tsare.
Kana ya kamata a aiwatar da matakai bisa yanayin da ake ciki, da matakai masu dacewa, da yin bincike kan yanayi, da bukatun yankuna daban daban, da tsara manufofi bisa bambancin yanayin yankunan, da sa kaimi ga raya yankunan masu inganci baki daya. (Zainab Zhang)
