Firaministan Sin Li Qiang, ya aike da sakon taya Andy Burnham murnar hawa mukamin firaministan Birtaniya jiya Litinin.
Li Qiang ya bayyana cewa, Sin da Birtaniya wadanda suke da muhimmanci a fannin tattalin arziki a duk fadin duniya, dukkansu mambobi ne na dindindin a kwamitin sulhu na MDD.
Ya ce inganta tattaunawa da hadin gwiwa ba wai kawai zai bunkasa kasashen biyu ba ne, har ma zai kara samar da kwanciyar hankali ga zaman lafiyar duniya.
ADVERTISEMENT
Li, ya kuma ce yana fatan kara yin hadin gwiwa da mista Burnham, don karfafa tuntubar juna, da inganta amincewa da juna, da kuma ciyar da dangantakar hadin gwiwa bisa manyan tsare-tsare a dukkan fannoni tsakanin Sin da Birtaniya gaba, ta yadda za a amfanar da al’ummomin kasashen biyu. (Amina Xu)
