Ɗan wasan Nijeriya Ademola Lookman ya zura ƙwallaye uku a ragar Bayer Leverkusen a wasan ƙarshe na gasar Uefa Europa League da suka buga a filin wasa na AVIVA Stadium dake birin Dublin a ranar Laraba.
Wannan shi ne karo na farko da Bayer Leverkusen da Xabi Alonso ke horaswa ta yi rashin nasara a hannun wata ƙungiya a kakar wasanni ta bana, inda ta buga wasanni 49 ba tare da an doketa ba.
- PSG Ta Shiga Gaban Chelsea Wajen Neman Daukar Victor Osimhen
- Zan Daga Darajar Wasanni A Kebbi – Gwamna Nasir Idris
Kwallaye ukun da Ademola Lookman tsohon ɗan wasan Aston Villa ya jefa a ragar Leverkusen yasa ya zamo baƙar fata na farko da ya taɓa zura adadin waɗannan ƙwallayen a wasan karshe a wata gasa a ƙasar Turai.
ADVERTISEMENT
