Gwamnan jihar Kebbi, Nasir Idris ya jaddada aniyar gwamnatinsa na daga darajar wasanni a jihar.
Gwamnan ya bayyana hakan ne a ranar Lahadi a wajen bikin rufe gasar cin kofin matasa ta yankin yan majalisar dokokin jihar da aka gudanar a karamin filin wasa na FIFA da ke Birnin Kebbi.
- Ra’ayoyin Kasashen Duniya Game Da Harin Da Iran Ta Kaddamar A Kan Isra’ila
- Harin Sojoji A Kauyen Sudan Ya Kashe Mutum 28
Ya kuma bayar da tabbacin shirin gwamnatinsa na bunkasa harkokin wasanni a fadin jihar da nufin karfafa gwiwar matasa wajen nuna basirarsu.
Gwamnan ya kuma yi alkawarin kara inganta filayen wasanni da ke gundumomi a jihar da kuma bai wa ‘yan wasa maza da mata kwarin gwiwar shiga gasa a ciki da wajen jihar.
“,Na ji dadin abin da na gani kuma In Shaa Allahu gwamnatina za ta aiwatar da manufofin gaskiya da adalci ga matasa don kara samun nasara a fagen wasanni,” in ji shi.
Tun da farko an shirya gasar da nufin samar da hadin kai da kyakkyawar alaka a tsakanin matasan jihar.
Wasan karshen dai ya gudana ne tsakanin mazabar Birnin Kebbi/Kalgo/Bunza da kuma mazabar tarayya ta Augie/Arugungu inda ta kai matakin bugun daga kai sai mai tsaron raga.
Mazabar Birnin Kebbi/Kalgo/Bunza ta lashe kofin kuma ta samu kyautar kudi Naira 500,000 daga hannun gwamnan.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
