Zaunannen kwamitin majalisar wakilan jama’ar kasar Sin (NPC) na 14 ya kammala zamansa na 19 yau Asabar a nan birnin Beijing.
A wurin rufe taron, ‘yan majalisar sun kada kuri’ar amincewa da wata doka kan kiyaye yadda ake amfani da sinadarai masu hatsari, da yin kwaskwarima ga dokar kamun kifi, da dokar zirga-zirgar jiragen sama na farar hula, da dokar amfani da daidaitaccen harshen Sinanci wajen yin magana da rubuta shi, da dokar cinikayyar kasashen waje, da kuma yanke shawarar amincewa da rahoton hukumar kula da harkokin dokoki ta zaunannen kwamitin NPC game da ci gaban da aka samu na bitar dokoki, da tsaftace su, kana da matakan kula da su.
Shugaba Xi Jinping ya rattaba hannu kan wasu jerin umarnin shugaban kasa guda shida don fara amfani da dokokin da kuma shawarar da aka yanke. (Abdulrazaq Yahuza Jere)
