Kwanan baya, mutumin da ya taba lashe lambar yabo ta Nobel a fannin ilmin sinadarai Michael Levitt, ya zanta da wakilin babban gidan rediyo da talabijin na kasar Sin wato CMG, inda ya ce, mayar da hankali kan bunkasar kimiyya da fasaha, yana da muhimmanci matuka.
Kuma matasa su ne muhimmin karfi dake ba da gudummawar inganta harkokin kirkire-kirkire, kana akwai matasa da yawa a nan kasar Sin, wadanda suka dukufa wajen yin karatu, tare da koyon managarcin ilmi. Don haka, kasar Sin ta fitar da shawarar zurfafa hade fasahar AI da sana’o’i daban daban, a daidai lokacin da ake bukata.
Kasar Sin ta samar da dandali mafi dacewa, na aiwatar da sabbin ra’ayoyi, da fasahohi, kasancewar jama’ar kasar suna samar da kwarin gwiwar yin gwaje-gwaje ga sabbin fasahohi. (Mai Fassara: Maryam Yang)
