Tsohon dan majalisar wakilai, Alphonsus Komsol, ya bukaci shugaba Bola Tinubu da ya maye gurbin tsohon ministan kwadago da samar da ayyuka Simon Lalong da sabon minista daga shiyyar Sanatan Filato ta tsakiya, domin samun daidaito.
Jigon ta (APC), ya yi wannan kiran ne a wata budaddiyar wasika da ya aikewa shugaban kasar a ranar Lahadi, bayan murabus din Lalong a ranar Laraba.
- ‘Yan Bindiga Sun Kashe Mutane Da Dama A Kauyen Filato
- Gwamnan Jihar Filato Zai Garzaya Kotun Ƙoli Don Ƙalubalantar Hukuncin Soke Zaɓensa
A cewarsa, shawarar tasa ya aiketa ne a sakamakon bukatar gaggawa da shugaban kasar zai magance kan batutuwa daban-daban da suka shafi hada kai da siyasa da daidaiton kan kabilanci da kuma adalci a jihar Filato.
Komsol shi ne sakatare a kwamitin tuntuɓa da tattaunawa na yakin zaben Shugaban Ƙasa na shiyyar Arewa ta Tsakiya.
Ya ce irin wannan matakin zai tabbatar da nasarar APC a fadin Jihar Filato.
