An tabbatar da mutuwar mutane hudu a kauyen Kauran mata da ke karamar hukumar Madobi a jihar Kano bayan da wani kwale-kwalen da suke ciki tare da wasu 12 ya kife.
Lamarin ya faru ne da yammacin ranar Talata a lokacin da wadanda abin ya shafa ke dawowa daga garin Karfi da ke karamar hukumar Kura inda suke aikin sarrafa shinkafa.
- Za A Gudanar Da Bikin CIFTIS Na Shekarar 2024 A Birnin Beijing
- Tinubu Ya Sake Nada Farfesa Sheshe Shugaban Asibitin Koyarwa Na Aminu Kano
Tuni dai aka kaddamar da aikin ceto sauran fasinjojin 6 da suka bace.
Jami’in yada labarai na karamar hukumar Madobi, Jamilu Mustapha Yakasai, ya shaida wa jaridar Daily Trust cewa, an tsinto gawarwakin, Maryam Jibrin, Yusuf Galinja, Kabiru Muhammad da Safiyanu Musa, kuma an binne su kamar yadda addinin Musulunci ya tanada a ranar Laraba.
Ya ce, shugaban riko na karamar hukumar Madobi, Alhaji Muhammad Sani Gora ya ziyarci al’ummar Kauran mata domin jajantawa jama’a kan lamarin.
ADVERTISEMENT
