Mutum Miliyan 93.5 Ne Za Su Kada Kuri’a A Zaben 2023 – INEC

Akalla ‘yan Nijeriya miliyan 93.5 ne aka yi wa rijista don kada kuri’a a zaben 2023, kamar yadda hukumar zabe mai zaman kanta ta kasa INEC ta bayyana.

Da yake bayyana adadin wadanda aka tantance su kada kuri’a a zabe mai zuwa, shugaban INEC, Farfesa Mahmood Yakubu, ya bayyana cewa ‘yan Nijeriya miliyan 12.29 ne suka samu nasarar kammala sabuwar rajistar mallakar katin zabe a cigaba da rajistar masu kada kuri’a (CVR) da aka kammala.

• 2023: Kuri’a Miliyan 95 Ce Za Ta Bayyana Wanda Zai Gaji Buhari – INEC

Da yake magana a ranar Laraba a Abuja, yayin taron hukumar INEC zango na uku da ta ke gayyato duk jam’iyyun siyasa, Yakubu ya ce bayan tantance bayanan da aka yi ta hanyar amfani da manhajar tantance yatsun masu kada kuri’a (ABIS), an gano mutum sama da miliyan 2.78 da ke da gurbatacciyar rajistar kada kuri’a kuma nan take aka cire su daga rumbun ajiye bayanan hukumar.

Saboda haka, ya ce hukumar ta gano jami’anta 23 daga cikin masu yin rajistar masu kada kuri’a ta hanyar da bata dace ba.

Sulaiman

+ postsBio

• Sulaiman

  2027: Kasancewa Ɗan Arewa Kaɗai Ba Zai Tabbatar Da Samun Ƙuri’u Ba – Baba-Ahmed
• Sulaiman

  Gwamnatin Tarayya Ta Mayar Da Ofishin NAGGW Zuwa Kano Domin Yaƙi Da Hamada
• Sulaiman

  Mambobin NYSC 4, Soja da Mutum 1 Sun Rasu A Hatsarin Mota A Adamawa
• Sulaiman

  Sarki Sanusi II Ya Tuɓe Rawanin Mai Unguwar Rikadawa Kan Badaƙalar Fili