NDLEA Ta Kama Kwayoyin Fiye Da Naira Biliyan 7 A Tashar Ruwa Ta Apapa Da Onne

Hukumar hana sha da fataucin miyagun kwayoyi ta kasa, NDLEA, ta kama kwalaben maganin kodin (codeine) guda 162,351 daga cikin kwantena biyu a tashar ruwan Apapa da ke Legas.

Hakan na kunshe ne cikin wata sanarwa da kakakin NDLEA, Femi Babafemi ya fitar ranar Lahadi a Abuja.

• An Kammala Zangon Farko Na Canton Fair Karo Na 136
• Da Ɗumi-ɗumi: APC Ta Lashe Zaɓen Ƙananan Hukumomin Kaduna

Babafemi ya ce, jami’an hukumar sun cafke kwayoyin ne a yayin wani binciken hadin gwiwa a kwantena biyu da jami’an hukumar kwastam ta Nijeriya (NCS) da sauran jami’an tsaro a ranar 15 ga watan Oktoba.

Ya ce, an kwato kwayoyi 7,200,000 na ‘Royal 225mg Tapentadol’ da ‘Carisoprodol’ da kudinsu ya haura Naira biliyan 3.6 a farashin kasuwa.

Kakakin ya kuma ce, an kama kwayoyin ne da aka yi jigilarsu daga Indiya zuwa tashar ruwa a Fatakwal, Onne, ta jihar Ribas a ranar Talata 15 ga Oktoba.

“Acikin kwantenonin biyu, an kama kwayoyin Tapentadol, Carisoprodol da Codeine da kudinsu ya haura fiye da Naira biliyan 7,” inji shi.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”