Hukumar Zabe Mai Zaman Kanta ta Jihar Kaduna (KAD-SIECOM) ta bayyana cewa, jam’iyyar APC mai mulki a jihar ta lashe dukkanin kujerun shugabannin kananan hukumomi 23 da na kansiloli 255 a zaben kananan hukumomin jihar a ranar Asabar.
Da take sanar da sakamakon zaben, shugabar hukumar KAD-SIECOM, Hajiya Hajara Mohammed, ta ce, jam’iyyun siyasa takwas ne suka shiga zaben, amma jam’iyyar APC ce ta yi nasara a dukkan kujerun da aka fafata.
- Xi Ya Aike Da Wasikar Taya Murna Ga Taron AIPPI Na Duniya Na 2024
- Gwamnatin Tarayya Za Ta Kaddamar Da Tsarin Mayar Da Yara Zuwa Makaranta
“Jami’an zabe sun mika rahotonsu, kuma a karshen aikin zaben, ‘yan takarar APC ne suka lashe dukkan kujerun shugabanni 23 da na kansiloli 255 a fadin jihar,” inji ta.
Hajiya Hajara ta kuma tabbatar da cewa, an tattara sakamakon ne kamar yadda doka ta tanada, inda dukkanin kananan hukumomi da na unguwanni suka bayyana sakamakon zaben a mazabunsu.
