Hukumar kula da kwallon kafa ta Nijeriya ta sanar da ranar 20 ga watan Janairun 2024 a matsayin ranar da za a fara gasar cin kofin Federation na badi da ya kunshi karawa a tsakanin kungiyoyin jihohin kasar nan 36 na bangaren maza da mata.
A Talatar nan ne za a fara yi wa kungiyoyin jihohin da ke sha’awar shiga gasar rajista a babban birnin tarayya, Abuja.
- An Samu Hatsaniya Tsakanin Magoya Bayan Bayern Munich Da Galatasaray A Santanbul
- Gwamnan Zamfara Zai Binciki Badakalar Miliyan 774 A Hukumar Alhazai Ta Jihar
Hukumar ta tsayar da Naira dubu 150 a matsayin kudin rajistar kungiyar maza da kuma Naira dubu 100 a matsayin rajistar kungiyar mata, sai kuma Naira dubu 200, ga kungiyar da ta makara ba ta yi rajista akan lokaci ba a bangaren maza, sai Naira dubu 120 a bangaren mata.
A gasar ta bana dai kungiyoin Bendel Insurance da Bayelsa Queen a bangaren mata ne suka lashe gasar, wanda suka raba kyautar Naira miliyan 25 da aka bayar.
A bangaren mazan dai Bendel Insurance din ta doke Enugu Rangers da ci daya mai ban haushi a wasan karshe da suka buga, nasara irinta ta farko da suka samu tun shekaru 45 da suka gabata.
Yayin da a bangaren mata kuma Bayelsa Queens suka doke Rivers Angles da ci 4-2 a bugun daga kai sai mai tsaron raga da aka je, bayan da lokacin tashi daga wasan da ya cika babu kungiyar da ta yi nasara.
