Hukumar Kula da Sufurin Jiragen Ruwa ta Ƙasa NPA, ta sanar da cewa, Jiragen Ruwa guda 33 ɗauke da Man Fetur da kayan abinci da kuma sauran wasu kaya, sun sauka a Tashoshin Jiragen Ruwa na Apapa, Tin-Can Island da kuma Lekki Deep Sea da ke a jihar Legas.
NPA ta bayyana haka ne, a cikin sanarwar da ta saba fitarwa a kullum, wanda Hukumar ta ce ana sa ran Jiragen sun sauka ne daga ranar 2 zuwa ranar 8 na wannan watan.
- NPA Ta Samu Ƙaruwar Kashi 24.8 Na Kayayyakin Da Ke Shigowa Daga Ƙasashen Waje
- Fasahar Electronic Call-up Da NPA Ta Wanzar Ta Samar Da Sauki —Tsohon Kwaminsihan Sufuri
A cewar sanawar daga cikin Jirage 16 na ɗauke da kaya iri da ban da bana da suka haɗa da, Buhuhunan Takin samfarin urea, ɗanyen Mai, Gishiri da Ɗinbin Buhuhun takin zamani da sanadaran, gypsum, da Buhuhun Suga da sauransu.
A wata sabuwa kuma, Hukumar ta NPA, ta bayyana cewa, tuni wasu Jiragen Ruwa guda 11, ɗauke da man dizil da fetir da sauransu suka sauka a Tashoshin.
Kazalika, Hukumar ta sanar d acewa, wasu Jiragen Ruwa guda 17 a yanzu haka, sun sauke kayan da suka haɗa da, Taken urea, Buhuhunan Alkama, Gas da wasu kwantainoni, suka sauka a Tashoshin Tincan, Apapa, da kuma Lekki.
Discussion about this post