Rikicin da ya dabaibaye jam’iyyar PDP ya dauki wani sabon salo yayin da shugabannin jam’iyyar ta gundumar Igyorov da ke karamar hukumar Gboko ta jihar Benuwe suka dakatar da shugaban jam’iyyar na kasa, Dakta Iyorchia Ayu.
Igyorov, Unguwa ce da ke karamar hukumar Gboko da ke Benuwe inda shugaban jam’iyyar PDP na kasa ya fito.
Shugabannin sun zargi Ayu da ayyukan zagon kasa da kuma aiki da jam’iyyar adawa.
Dakatar da Ayu ya zo ne kwanaki kadan bayan kwamitin aiki na kasa (NWC) na PDP ya umurci gwamnan jihar Benuwe, Dakta Samuel Ortom ya bayyana gaban kwamitin ladabtarwa na jam’iyyar na kasa, inda ya dakatar da tsohon gwamnan jihar Ekiti, Ayodele Fayose, da tsohon shugaban majalisar dattawa, Sanata. Anyim Pius Anyim, da sauransu.
Dakatar da Ayu a ranar Lahadi ya biyo bayan kada kuri’ar rashin amincewa da shugabannin gundumar suka yi masa.
