Rikicin PDP: Kotun Koli Ce Kadai Za Ta Warware Lamarin Ba INEC Ba –Bangaren Turaki

Wani bangare na PDP karkashin jagorancin Kabiru Turaki ya bayyana cewa Kotun Koli ta Nijeriya ce kadai ke da ikon yanke hukunci kan rikicin shugabancin jam’iyyar, yana mai cewa INEC ba ita ce ke da ikon hukuncin karshe ba.

A cikin wata sanarwa da sakataren yada labarai na bangaren, Ini Ememobong, ya fitar, ya ce sun riga sun garzaya zuwa Kotun Koli domin neman hukunci na karshe kan rikicin shugabanci a jam’iyyar.

• Shin Bunkasar Sabbin Fasahohi Na Iya Illata Walwalar Jama’a?
• ADC Ta Nemi Shugaban INEC Ya Yi Murabus

Wannan martani ya biyo bayan matakin da INEC ta dauka na amincewa da kwamitin gudanarwa na kasa (NWC) da ke da alaka da Nyesom Wike, inda ta sanya sunayensu a shafinta na hukuma, tare da bayyana Abdulrahman Mohammed a matsayin shugaban jam’iyyar na kasa.

An ce Mohammed da sauran mambobin NWC sun fito ne daga wani babban taron jam’iyyar da aka gudanar a Moshood Abiola National Stadium a Abuja.

Sai dai bangaren Turaki ya ki amincewa da taron, yana mai cewa ba sahihi ba ne, tare da zargin cewa an gudanar da shi ne duk da shari’o’in da ke gaban kotu.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”