RMAFC Ta Musanta Rahotonnin Karin Albashi Ga Masu Rike Da Mukaman Siyasa

Hukumar tattara kudaden shiga da raba kudaden shiga da kuma kasafin kudi (RMAFC) ta musanta rahotannin kafafen yada labarai na cewa, gwamnatin Nijeriya ta amince da karin albashin masu rike da mukaman siyasa da na shari’a da na gwamnati da kashi 114 cikin 100.

A wata tattaunawa ta musamman da LEADERSHIP, jami’in hulda da jama’a na RMAFC, Christian Nwachukwu, ya ce shugaban kasa Bola Tinubu har yanzun bai rattaba hannu ba kan kudurin karin albashin ma’aikatan gwamnati.

• ‘Yansanda Sun Cafke Ma’aikatan Asibiti 3 Bisa Bacewar Mahaifar Jaririya A Jihar Ondo

Kwamishiniyar tarayya a hukumar, Rakiya Tanko-Ayuba ce ta sanar da amincewar karin albashin a lokacin da ta wakilci shugaban RMAFC, Mohammad Shehu, yayin da ta ke jawabi kan kwaskwarima da aka yi kan tsarin albashin ga gwamnan jihar Kebbi, Nasir Idris, a ranar Talata a Birnin Kebbi.

Tanko-Ayuba ta ce, “an fara aiwatar da tsarin biyan albashin da aka yi wa kwaskwarima daga 1 ga watan Janairu, 2023”, wannan ikirarin, kakakin hukumar ya musanta shi da kakkausar murya.

Sulaiman

+ postsBio

• Sulaiman

  Sojoji Sun Dakile Hare-Hare, Sun Ceto Mutane 12 A Zamfara
• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna