Sauya Fasalin Naira Zai Karya Darajar Dalar Amurka Zuwa Naira 200 Duk Daya – EFCC

Shugaban Hukumar Yaki da yi wa Tattalin Arzikin Kasa Ta’annuti (EFCC), Abdulrasheed Bawa, ya ce shirin sauya fasalin naira na iya durkusar da Dalar Amurka zuwa naira N200.00 kan kowacce dala daya.

Shugaban hukumar EFCC wanda ya bayyana hakan a wani shirin gidan rediyo na Sashen Hausa na Deutsche Welle (DW) ya ce darajar Naira za ta kara farfado wa sosai idan aka hada ta da Dalar Amurka.

• Da Dumi-Dumi: Bankin CBN Zai Sake Sauya Fasalin Naira N200, N500 Da N1,000

Bawa ya yabawa shugaban kasa Muhammadu Buhari bisa amincewarsa ga babban bankin Nijeriya (CBN) na sake fasalin kudin.

A cewar sa, ba a sauya fasalin kudin ba acikin shekaru 20 da suka gabata duk da cewa doka ta amince da a dinga sauya fasalin kudin duk bayan shekaru takwas.

Shugaban na EFCC ya bukaci da a cire batun siyasa kan wannan kudiri na sauya fasalin kudin inda yayi kira ga ‘yan Nijeriya da su kai rahoton duk wadanda suka karkatar da kudaden gwamnati.

Ya bayar da kashi biyar cikin dari na duk wani kudin da aka kwato ga duk wanda ya ba da bayanai masu amfani don kwato irin wadannan kudaden da aka sace.

Sulaiman

+ postsBio

• Sulaiman

  Manufar Soke Haraji Ga Kasashen Afirka Ta Sin Ta Samar Da Sabbin Damammaki Ga Nahiyar
• Sulaiman

  Zhang Guoqing Ya Gabatar Da Jawabi Ga Taron Koli Na “Hadin Kai Don Bunkasa Tattalin Arzikin Duniya”
• Sulaiman

  Kakakin Ma’aikatar Harkokin Wajen Sin Ya Soki Dabarar Siyasa Ta Sakataren Tsaron Philippines
• Sulaiman

  Africa CDC Ta Yaba Da Hadin Gwiwar Sin A Yakin Da Afrika Ke Yi Da Cutar Ebola