’Yan sandan kasar Sin sun kama mutane 18,000 da ake zargi da hannu a cikin laifukan da suka shafi miyagun kwayoyi guda 12,000 a fadin kasar cikin watanni biyar na farkon shekarar 2026, kamar yadda ma’aikatar tsaron al’umma ta bayyana a yau Jumma’a, wadda har ila yau ita ce ranar yaki da shan miyagun kwayoyi da fataucinsu ta duniya.
A cikin wata sanarwa da ma’aikatar ta fitar, ta ce an kwace jimillar tan 10.7 na miyagun kwayoyi tsakanin watan Janairu zuwa Mayu.
Kazalika, ‘yan sanda sun kama masu laifukan miyagun kwayoyi 49 wadanda suka tsere domin boyewa a kasashen waje. Cikinsu ma akwai wasu mutane biyu da ake nema ruwa a jallo a karkashin sanarwar neman miyagu ta rundunar ‘yan sandan duniya, da kuma wasu biyu da ke cikin jerin sunayen mutanen da ma’aikatar ke matukar nema ruwa a jallo. (Mai fassara: Abdulrazaq Yahuza Jere)
