A yau Talata ne Sin ta fitar da sunayen kamfanoni 500 masu zaman kansu a kasar, wadanda kuma suke kan gaba a karfin jarin juyawa a shekarar nan ta 2026, ciki har da 110 da jarin juyawarsu ya haura yuan biliyan 100, kwatankwacin dalar Amurka biliyan 14.82, wanda hakan ke nuni ga matukar bunkasar sashen kamfanoni masu zaman kansu na kasar Sin.
Alkaluman shekarar nan ta 2026 da hadaddiyar kungiyar lura da masana’antu da cinikayya ta Sin ko ACFIC ta fitar a birnin Tianjin na arewacin kasar Sin, sun nuna yadda kamfanonin JD.com, da Alibaba (China) Co., Ltd., da Hengli Group Co., Ltd, suka ci gaba da rike matsayi uku na farkon jerin sunayen.
Wannan ne karo na 28 da ACFIC ta fitar da wadannan alkaluma, bayan nazarin yanayin karfin kamfanonin kasar masu zaman kansu.
Cikin kamfanonin da aka nazarci karfinsu, har da 6,350, wadanda a shekarar 2025 da ta gabata, suke da jarin juyawa da ya haura yuan biliyan daya. Kazalika, kamfanoni 500 mafiya karfin jarin juyawa ne suka samu shiga wannan jeri. (Saminu Alhassan)
