Zaunannen wakilin Sin dake MDD Fu Cong ya yi jawabi bayan da kwamitin sulhun MDD ya jefa kuri’a kan daftarin ba da iznin tsawaita wa’adin tawagar musamman ta MDD dake yankin yammacin Sahara wato MINURSO, inda ya nuna rashin jin dadi ga kasar Amurka domin ta kara matsa kaimin jefa kuri’a kan daftarin.Fu Cong ya bayyana cewa, kasar Sin ta jefa kuri’ar janye jiki daga daftarin da Amurka ta gabatar.
A cikin shekarun baya-bayan nan, tawagar MINURSO ta taka muhimmiyar rawa wajan tabbatar da zaman lafiya da tsaron fararen hula a yankin. Kasar Sin ta nuna goyon baya ga tsawaita wa’adinta har na tsawon shekara daya.
Amma abin bakin ciki shi ne daftarin da kasar Amurka ta gabatar bai shafi kulawar bangarori daban daban ba. Bisa yanayin tinkarar matsaloli da dama da bangarori daban daban suka nuna wa daftarin, kasar Amurka ta sa kaimi ga jefa kuri’a kan daftarin, kuma hakan ba zai taimaka wa daidaita batun yankin yammacin Sahara ta hanyar siyasa ba.
Fu Cong ya bayyana cewa, kasar Sin ta nuna goyon baya ga bangarori daban daban da abin ya shafa da su yi shawarwari cikin adalci don cimma matsaya kan yadda za a daidaita batun cikin adalci na dogon lokaci wanda bangarori daban daban za su amince.A jiya Juma’a dai, kwamitin sulhun na MDD bai tsawaita wa’adin tawagar MINURSO ba. (Zainab Zhang)
