Taron cikakken zama na biyar na Kwamitin Tsakiya na 20 na Jam’iyyar Kwaminis ta kasar Sin (JKS), wanda aka gudanar kwanan nan a birnin Beijing, ya bai wa duniya damar fahimtar muhimman abubuwa game da yadda ake gudanar da “shugabanci a kasar Sin”.
Daya daga cikin muhimman sakamakon wannan babban taro shi ne amincewa da “Shawarar kwamitin tsakiya na JKS kan wasu muhimman batutuwa da suka shafi ci gaba da karfafa gudanar da shugabancin kai bisa bin cikakken tsari na jam’iyyar,” wadda ta shimfida tsarin dabarun ci gaba da zurfafa aiwatar da wannan manufa yadda ya kamata.
Tun daga shekarar 2012, hukumomin binciken ladabtarwa da na sa-ido a kasar Sin, sun fara sauraron kararraki miliyan 8.105, tare da daukar matakan ladabtarwa kan mutane miliyan 7.922. Wannan ya nuna wa duniya jarumta da kuma karfin ikon JKS wajen yaki da cin hanci da rashawa.
Tun daga tsarawa da kuma sake duba dokoki daban-daban na cikin jam’iyya, har zuwa zurfafa yin kwaskwarima a tsarin binciken ladabtarwa da sa-ido, JKS ta ci gaba da habaka tsarin zamanantar da shugabancin kasa da inganta kwazon aiki a kasar Sin.
Ta haka, ta samar da wani tsari ko misali ga jam’iyyun siyasa a duk fadin duniya, wanda zai taimaka musu wajen tunkarar kalubalen “rudanin tafiyar da shugabanci” . (Abdulrazaq Yahuza Jere)
