Idan ake maida aikin gudanar da harkokin kasa a matsayin wani wasan kide-kide, tsarin dimokuradiyya mai sauraron al’umma da mika shawararsu ga shugabanni zai kasance ka’idar tafiyar da harkokin tawagar wasan kide-kiden.
Cikin tawagar take kide-kide, kowane mai wasan kida yana iya gwada kwarewarsa, hakan yana nufin cikakken demokuradiyya. Amma ya kamata dukkan membobin tawagar su saurari mai ba da umurni da yin hadin gwiwa tare, wannan shi ne sauraron al’umma da mika shawararsu ga shugabanni.
Tsarin dimokuradiyya mai sauraron al’umma da mika shawararsu ga shugabanni shi ne tushen ka’idar aiwatar da ayyukan jam’iyyar kwaminis ta Sin, da ba da jagoranci kan harkokin jam’iyyar, wanda yake da karfi da amfani tare da shaida basirar kasar Sin wajen gudanar da harkokin kasar.
Tsarin dimokuradiyya mai sauraron al’umma da mika shawararsu ga shugabanni, ba ya nufin cikakken samun ‘yanci ko cikakken bin umurnin shugabanni, yana nufin jin ra’ayoyin jama’a don mika shawararsu ga shugabanni, da kuma tabbatar da gudanar da harkokin kasa yadda ya kamata. An shaida cewa, tsarin, mai daidaita harkokin jama’a da kasa da tabbatar da zaman lafiya da kiyaye zamantakewar al’ummar kasa, tsari ne mai inganci. (Zainab Zhang)
