Sojoji Sun Kashe ‘Yan Ta’addan Boko Haram 35, Sun Tarwatsa Sansanoni 12 A Dajin Sambisa

Dakarun rundunar soji ta bataliya ta 21 da ke Bama da bataliya ta musamman ta 199 da kuma ‘yan sakai sun kashe ‘yan ta’addan Boko Haram 35 a wani samame da suke kai a dajin Sambisa.

Sojojin karkashin jagorancin Birgediya Janar Victor Unachukwu (Emperor), sun kai farmakin ne na musamman a maboyar ‘yan Boko Haram din a kokarin da rundunar ke yi na ganin ta kakkabe burbushin duk ragowar ‘yan ta’addan da ke dajin Sambisa.

• Masu Jiran A Zartar Musu Da Hukuncin Kisa Na Karuwa A Nijeriya

A cewar rahoton leken sirri da Zagazola Makama, kwararre a fannin yaki da tada kayar baya kuma manazarci kan harkokin tsaro a yankin tafkin Chadi, ya nuna cewa, rundunar ta fara kai farmakin kakkabe ragowar ‘yan ta’addan ne daga garin Awulari a ranar 17 ga watan Afrilu.

A karshen wannan farmakin na musamman na kwanaki uku, sojojin sun yi nasarar kawar da maboyar ‘yan ta’adda a garuruwan Garno, Alafa, Alafa D, Garin Dakta, Njumia, Izzah, Farisu, Somalia, Ukuba, Garin Glukose, Garin Ba’aba da Bula Abu Amir dukkansu a karamar hukumar Bama a jihar Borno.

A cikin wannan samame an kubutar da wasu mata da ‘yan ta’addan suka yi garkuwa da su.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”