Taɓarbarewar Tsaron Nijeriya Na Da Ban-tsoro – Shugaban Majalisar Dattawa

Shugabannin majalisar dattawa sun yi ganawar sirri da hafsoshin tsaro kan matsalar tsaro a kasar nan.

Kamfanin dillancin labarai na Nijeriya (NAN) ya ruwaito cewa, a wajen taron akwai babban hafsan sojin kasa, Janar Lucky Irabor; Shugaban hafsan soji, Laftanar-Janar Faruk Yahaya; Babban Hafsan Sojan Ruwa; Vice Adm. Awwal Gambo, da babban hafsan sojin sama; Air Marshal Oladayo Amao.

• Karin Biliyan 900 Da Aka Ware Don Shawo Kan Matsalar Tsaro Sam Ba Zai Wadatar Ba —Lawan

Sauran sun hada da Sufeto-Janar na ‘yan sanda, Usman Baba; Babban Darakta Janar na Hukumar Tsaro ta farin kaya (DSS), Yusuf Bichi; Babban kwamandan hukumar tsaron farin kaya ta Nijeriya, Dr Ahmed Audi da babban daraktan hukumar leken asiri ta kasa NIA; Ahmad Abubakar.

NAN ta kuma ruwaito cewa, mai baiwa shugaban kasa shawara kan harkokin tsaro, Babagana Monguno, an ce yana halartar taron majalisar zartaswa na tarayya (FEC) na mako-mako lokacin da aka yi zaman sirri a majalisar dattawa, bai sami Halartar zaman majalisar dattawan ba.

Da yake jawabi a wajen bude taron, shugaban majalisar dattawa, Ahmad Lawan, ya ce kalubalen tsaro ya kice ya ki karewa, ammala majalisa ta na fatan a wannan zama za a lalubo bakin zaren, tana kuma fatan al’amura zasu daidaita.

Sulaiman

+ postsBio

• Sulaiman

  PDP Ta Musanta Mara Wa APM Baya A Bauchi
• Sulaiman

  Sojoji Sun Dakile Hare-Hare, Sun Ceto Mutane 12 A Zamfara
• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana