Tony Blair Ya Ziyarci Tinubu A Abuja

Tsohon Firaministan Birtaniya, Tony Blair ya ziyarci zababben shugaban kasa, Bola Ahmed Tinubu a Abuja a ranar Talata.

Wata sanarwa da ofishin zababben shugaban kasar ya fitar ta bayyana cewa, Cibiyar Tony Blair mai rajin kawo sauyi a tsarin gudanarwa ta duniya za ta kulla kawance da gwamnatin Tinubu musamman wajen ba da shawarwari wajen aiwatar da kyawawan manufofin gwamnatin.

• Masana: Hadin Gwiwa Tsakanin Sin Da Afirka Za Ta Sa A Samu Sabuwar Damar Zamanintar Da Nahiyar Afirka

Tony Blair ya kara da cewa “Tun da ya bar ofis a matsayin Firaministan Birtaniya, yana aiki tare da gwamnatoci na duniya don taimaka musu wajen aiwatar da ayyukansu managarta.”

“Muna so mu taimaka ta kowace hanya a gwamnatinku. Mu kawai muna bukatar mu san kudurorin gwamnatinku sannan mu kuma za mu taimaka wajen aiwatar da kudurorin.” Blair ya shaida wa zababben shugaban kasa Tinubu.

Blair ya amince cewa, lallai akwai aiki mawuyaci a gaban shugabannin kasashen duniya na wannan zamani a daidai lokacin da duniya ke cikin rudani.

A cewar sanarwar, Tinubu ya nuna jin dadinsa ga Blair kan ziyarar da ya kawo masa da kuma tayin aiki da gwamnatinsa.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu