Tuni Tallafin Man Fetur Ya Dawo – Obasanjo

Tsohon shugaban kasa, Olusegun Obasanjo, ya bayyana cewa, an dawo da tallafin man fetur da gwamnatin tarayya ta cire a shekarar 2023 sakamakon hauhawar farashin kayayyaki.

Shugaba Bola Tinubu a jawabinsa na farko a ranar 29 ga Mayu, 2023, ya bayyana cewa, tallafin man fetur ya tafi.

• Masu Shigo Da Mai Za Su Kawowa Matatar Dangote Cikas – Obasanjo
• Ba Don Tonon Gwal Na Ke Gina Gadoji Ba – Gwamnan Bauchi

Wannan kalaman ya haifar da tashin farashin man fetur daga kimanin naira 200 zuwa fiye da naira 600 kan kowace lita.

A wata hira da jaridar Financial Times, Obasanjo ya caccaki yadda gwamnati ta cire tallafin ba tare da la’akari da abun da zai haifar ba.

A cewarsa, kamata ya yi gwamnati ta aiwatar da wasu matakai kafin cire tallafin.

Amma tsohon shugaban ya bayyana cewa, tallafin ya “dawo” saboda yawan hauhawar farashin kayayyaki.

“Akwai ayyuka da yawa da ya kamata a yi. Ba wai kawai ka tashi da safe ka ce ka cire tallafin ba. Saboda hauhawar farashin kayayyaki, tallafin da aka cire bai tafi ba. Ya dawo,” in ji Obasanjo.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”