Xi Jinping Ya Taya Murnar Kaddamar Da Jirgin Ruwa Mai Aikin Nazari A Teku Mai Zurfi

Shugaban kasar Sin Xi Jinping ya mika sakon taya murnar kaddamar da jirgin ruwa mai aikin nazari a teku mai zurfi samfurin “Meng Xiang” wato “kyakkyawan fata”.

Kaddamar da wannan jirgin ya alamanta cewa, kasar Sin ta cimma muhimmiyar nasara a bangaren shiga da nazari da kuma raya teku mai zurfi, kuma babban ci gaba ne wajen zama kasa mai karfi a bangaren nazarin teku da kimiyya.

Shugaba Xi ya yi fatan za a yi amfani da wannan jirgi don gaggauta aikin kirkire-kirkire ta fuskar kimiyya, da fasahohin teku, da habaka hadin kan kasa da kasa kan nazarin teku, ta yadda za a taka karin rawar gani ga gaggauta zamanintar da al’ummar Sinawa, da kafa kyakkyawar makomar Bil Adama ta bai daya. (Amina Xu)