Xi Ya Yi Kira Da A Bunkasa Salon Zamanantarwa Na Sin Ta Hanyar Ingiza Kirkire-kirkiren Kimiyya Da Fasaha

A yau Laraba ne shugaban kasar Sin Xi Jinping, ya yi kira da a gaggauta aiwatar da matakan cimma manyan nasarorin dogaro da kai, da karfin kimiyya da fasaha, kana a yi amfani da fifikon kirkire-kirkiren kimiyya da fasaha wajen goya baya, da ingiza zamanantarwa irinta kasar Sin.

Shugaba Xi, ya yi kiran ne yayin wani taron gabatar da lambobin yabo game da kimiyya da fasaha wanda ya gudana a birnin Beijing. Taron ya kuma hallara gamayyar membobin cibiyar bunkasa kimiyya ta Sin ko CAS, da cibiyar ayyukan injiniya ta Sin ko CAE.

An kuma gudanar da babban taro na 11 na wakilan kungiyar kimiyya da fasaha ta Sin.Yayin taron, shugaba Xi ya gabatar da lambar karramawa ta kimiyya da fasaha ta shekarar 2025 ga Chen Liquan, mai bincike daga sashen ilimin Physics ta cibiyar CAS kana shaihun malami a cibiyar CAE, da kuma Ben De, mai bincike karkashin kamfanin China Electronics Technology Group, kuma shaihun malami a cibiyar CAE. (Saminu Alhassan)

Sulaiman

+ postsBio

• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum