Yau Lahadi, yayin wasan karshe na harbi da karamar bindiga daga nisan mita 10 ajin maza a gasar Olympics ta birnin Paris, dan wasan kasar Sin Xie Yu ya lashe lambar zinare. Wannan ce lambar zinare ta uku da tawagar kasar Sin ta samu tun bayan bude gasar Olympics din ta Paris.
Baya ga wannan, a jiya Asabar ma kungiyar kasar Sin da ta kunshi Yang Junxuan, da Cheng Yujie, Zhang Yufei, da Wu Qingfeng, sun lashe lambar tagulla a wasan ninkayar mika sanda cikin ‘yanci, ta nisan mita 100 mutane 4 ta mata a gasar wasannin Olympics ta Paris. Wannan shi ne karo na farko da kungiyar wasan ninkaya ta kasar Sin ta samu lambar yabo a irin wannan wasa a gasar Olympics, inda ta karya matsayin bajimta na Asiya da minti 3 da dakika 30.30. (Bilkisu Xin)
ADVERTISEMENT
