Yadda Haaland Ya Zura Kwallaye 100 A Firimiyar Ingila

Matashin dan wasa Erling Haaland ya doke tarihin Alan Shearer na zura kwallo 100 a raga a gasar Premier League da mafi karancin wasanni ya kuma yi wanan bajintar a wasan da Manchester City ta doke Fulham a filin wasa na Craben Cottage.

Dan wasan dan kasar Norway, mai shekara 25, yana taka rawar gani a kakar bana ta 2025 zuwa 2026, wanda ya zura kwallo 20 a wasa 19 a dukkan wasanni kawo yanzu.

Yanzu dai dan wasa Haaland ya zura kwallo ta 100 a gasar Premier ranar Talata a Craben Cottage, amma za a ci gaba da lissafin ya zura na 101 da na 102 tun da har yanzu zai ci gaba da yin gasar. Ya kuma buga kwallo ta bugi turke har karo biyu a wasan da Fulham, sannan ya bayar da biyu aka zura a raga.

• Lacazette Ya Koma Lyon Daga Arsenal
• Da Gaske Arsenal Ta Kawo Karfi?

Haaland ne kan gaba a yawan cin kwallaye a gasar Premier, inda yake da kwallo 15 a raga a kakar nan, yayin da dan wasan Brentford, Igor Thiago ke biye da shi, mai 11 a raga.

Tun bayan da ya koma Manchester City daga Borussia Dortmund a 2022, ya kafa tarihin bajinta da yawa a Ingila, ciki har da doke kwazon tsohon dan wasa Alan Shearer na cin kwallo 100 a wasanni 111.

Sai da dan wasa Alan Shearer ya buga wasanni 124, sannan ya zura kwallo ta 100 a gasar, sannan tsohon kyaftin din tawagar Ingila ya ci 260 a matakin shi ne kan gaba a cin kwallaye a babbar gasar ta Ingila, wadda daga shekarar 1992 zuwa 1993 aka sauya mata fasali.

Haaland ya koma Manchester City kan fam miliyan 51 a kakar 2022, bayan kaka biyu da rabi a Borussia Dortmund mai buga Bundesliga, inda ya ci kwallo 62 a wasa 67 a Jamus. Kwazon dan wasan mai shekara 25 tun bayan da ya koma Premier League ya dara duk wani mai buga gurbin cin kwallaye a babbar gasar ta Ingila.

Haka kuma shi da kansa ya tashi tukuru da ya samu damar yin wannan bajintar ta cin kwallo 100 a gasar Premier a kaka uku da yake buga wasannin. Kawo yanzu a kakar wasa ta 2025 zuwa 2026, Haaland ya zura kwallo 15 a raga a wasa 14 a Premier League, kuma 20 jimilla a dukkan fafatawa daga wasanni 19.

Da yake kwantiragin tsohon dan wasan Molda da Salzburd zai kare a Etihad a karshen kakar 2034, watakila ya doke tarihin Alan Shearer a karo na biyu, wanda shi ne kan gaba a yawan cin kwallaye a Premier League, inda yake da kwallaye 260 jimilla.

Abba Ibrahim Wada

Website |  + postsBio

• Abba Ibrahim Wada

  Ɗanwasa Thomas Partey Ya Yi Rashin Nasara A Kotun Canada
• Abba Ibrahim Wada

  FIFA Za Ta Biya Omar Artan Alawus Ɗin Da Za A Bai Wa Kowanne Alƙalin Wasa
• Abba Ibrahim Wada

  Duk Da Rashin Halartar ‘Super Eagles’ Gasar Kofin Duniya, Nijeriya Ba Ta Rasa Wakilai Ba
• Abba Ibrahim Wada

  Su Waye Wakilan Afirka A Kofin Duniya?