Yadda Jami’an ‘Yansanda Suka Yi Garkuwa Da Wani Mazaunin Abuja, Sun Kwashe Fiye Da Naira Miliyan 20 A Asusunsa

A yayin da sace-sacen jama’a ke kara kamari a babban birnin tarayya Abuja, an kama wasu jami’an ‘yansanda bisa zargin kwatar naira miliyan 29.9 daga hannun wani mazaunin Abuja.

Lamarin, a cewar Harrison Gwamnishu, dan takarar jam’iyyar Labour Party (LP) a zaben 2023, ya faru ne a watan Janairu.

• An Cafke Wata Mata Bisa Laifin Safarar Yara 42
• Tsigaggen Kakakin Majalisar Dokokin Jihar Kaduna Liman Ya Sake Lashe Zaben Cike-gurbi

Gwamnishu, kamar yadda ya bayyana a wani faifan bidiyo ta shafinsa na X (Twitter) cewa, jami’an ‘yansandan sun yi garkuwa da dan kasuwar ne a Abuja inda suka tsare shi har sai da ya mika musu dukkan kudaden da ke cikin asusun bankinsa. Daily Trust ta rahoto

Daga nan ne suka dage sai ya kira ‘yan’uwa da abokan arziki su ci gaba da tura masa kudi kafin a sako shi.

Da yake tsokaci kan wannan lamari a ranar Talata, kakakin rundunar, Olumuyiwa Adejobi, yayin da yake tabbatar da kama wasu daga cikin masu laifin, ya bayyana cewa rundunar na ci gaba da bincike kan lamarin kuma za ta tabbatar da adalci.

“Muna kan binciken lamarin, kuma za a yi adalci, kamar yadda aka kama wasu da ake zargi.” kamar yadda ya rubuta.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”