Yadda Muka Ji Rugugin Makamai Ta Ko Ina A Yayin Harin Fasa Gidan Yarin Kuje – Wasu Fursunoni

Wasu ‘Yan bindiga da ake kyautata zaton ‘yan kungiyar Boko Haram ne, sun kai hari gidan gyara-hali na kuje da da ke Babban birnin tarayya Abuja.

‘Yan ta’addar sun kaddamar da kai harin da misalin karfe 10:00 na daren ranar Talata A cikin wani faifan bidiyo mai dauke da murya da kafar yada labarai ta BBC ta wallafa a shafinta na Internet, an jiyo wani yadda wani jami’in Hukumar Gidan Gyara-halin lokacin da ake tsaka da kai harin, an ji shi yana bayyana irin abubuwan dake faruwa a lokacin.

• Wani Abun Fashe Wa Da Ake Zaton Bom Ne Ya Tashi A Gidan Yarin Kuje Da Ke Abuja

Jami’in ya bayyana cewa, ‘yan bindigar suna ta harbo roket ne cikin gidan, bayan sun tarwatsa jami’an tsaron da ke kula da gidan a bakin kofar shiga gidan ta waje.

Ma’aikacin ya ce, fursunonin duk an sake su, wasu kuma suna ta buya a harabar gidan yayin da ‘yan bindigar ke kokarin rusa kofar gidan gyara halin.

Ya kuma bayyana cewa, yaji ana cewa mayakan Boko Haram ne suka kawo harin, yayin da yace baka jin komai sai kabbara da karar bindiga da roket.

Jami’in ya ce ba zai samu damar bayar da rahoton fursunonin da suka gudu ko aka kashe su ba, don suma neman hanyar tsira suke yi a wannan lokacin.

Sulaiman

+ postsBio

• Sulaiman

  Gwamnatin Tarayya Ta Mayar Da Ofishin NAGGW Zuwa Kano Domin Yaƙi Da Hamada
• Sulaiman

  Mambobin NYSC 4, Soja da Mutum 1 Sun Rasu A Hatsarin Mota A Adamawa
• Sulaiman

  Sarki Sanusi II Ya Tuɓe Rawanin Mai Unguwar Rikadawa Kan Badaƙalar Fili
• Sulaiman

  Tawagar Masanan Dakile Yaduwar Cututtuka Ta Sin Ta Isa DR Congo