Babban malamin addinin musulunci a jihar Bauchi, Dr. Ibrahim Adam Disina, ya bayyana cewar labarin da wasu gidajen yada labarai suka wallafa na cewa an tsige wani Limamin a Bauchi daga limancinsa don ya yi kamfen wa shugaban kasa Bola Ahmed Tinubu “wasan kwaikwayo ne kawai.”
Malamin ya bayyana cewar babu wani gaskiya a cikin lamarin da aka yaɗa.Malamin wanda ke martani kan labarin da aka yaɗa da ke cewa an cire wani Limami Dahiru Abubakar daga limanci a unguwar Madina Quarters don ya yi kamfen wa Tinubu.
Babban malamin Ahlul Sunnah ɗin a wani wasika da ya aike wa jaridar Daily Trust da Gidan Rediyon BBC Hausa, ya ce mazauna Bauchi da masu bibiyan al’amuran siyayasar jihar sun san labarin ƙarya ne.A cikin saƙonsa ya ce, “Labarin Limamin da aka tsige a Bauchi fa wasan kwaikwayo ne!!!”
Mazauna Bauchi da masu bibiyan al’amuran siyayasar jihar sun san cewa wannan labarin daidai yake da na ruwan Bagaja!! Zurke dan Muhammadu, Himma dai dan Shehu!!.”Ya ƙara da cewa BBC da Daily Trust sun wallafa abun da yake wasa da shi a social media a matsayin sahihin lamari.
“Kafafen yada labarai ne biyu abin amincewa da musu tsammanin tantancewa da kwarewa da binciken kwakwaf amma sun fada komar Social Media!!””Na yi matukar mamakin yanda suka fada wannan ramin duk da gogewarsu a wannan fanni!!.””Allah ya kiyaye na gaba!! Allah mun tuba!,” ya ƙara.
Disina ya ƙara da cewa, “Malamai suka ce: Izgili da wani abu na addini kan iya fitar da Mutum daga addini, domin alama ce ta rashin gimama Allah.””Allah na karbar tuban Bawa a kowane bigire in ba gargara ba! Allah ka sa mu tsallake wannan Siradi da Mutuncinmu da addininmu!!,” In ji Sheikh Disina.
Wakilinmu ya labarto cewa bayan Sheikh Disina mutane da dama suna ta nuna damuwarsu kan labarin inda suka nemi ‘yan jarida da suke yada hakikan abun da ya faru ba neman sanya jama’a cikin shakku ba.
