‘Yansanda Sun Cafke Mutum Biyu Da Zargin Garkuwa Da Mutane A Adamawa

Jami’an ‘yan sanda tare da hadin guiwar wasu mafarauta a Mubi ta Arewa, sun yi nasarar cafke wasu mutane biyu da ake zargin masu garkuwa da mutane ne.

‘Yansandan da ke aiki a hedikwatar ‘yan sanda ta Mubi ta Arewa sun samu wani rahoto game da yin garkuwa da Aisha Ahmadu ‘yar shekara 28, wacce aka harbe mijinta, Alhaji Ahmadu Mohammed a yayin da masu garkuwar ke aikata ta’asarsu a ranar 3 ga Afrilu, 2023 a kauyen Digil da ke karamar hukumar Mubi ta Arewa.

Bincike kan rahoton ya kai ga cafke Mohammed Bello mai shekaru 22 da Abubakar Mallam mai shekaru 26 da haihuwa wadanda dukkansu mazauna karamar hukumar Mubi ta Arewa ne.

Kakakin rundunar ‘yan sandan, SP Suleiman Yahaya Nguroje a wata sanarwa da ya fitar a ranar Talata, ya ce dukkan wadanda ake zargin sun hada baki ne, suka shirya sace matar sannan kuma suka kashe mijinta.

Sun tsare matar har na tsawon kwanaki uku har sai da aka biya kudin fansa Naira Miliyan biyu da rabi (N2,500,000).

Kwamishinan ‘yansandan, CP Afolabi Babatola, ya yabawa DPO na hedikwatar ‘yansandan da ke Mubi ta Arewa da jami’ansa bisa yadda suka dakile hanyar bata gari masu aikata miyagun laifuka, ya kuma bukace su da su ci gaba da gudanar da ayyukansu na Basira.

Sulaiman

+ postsBio

• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum