‘Yansanda Sun Kama Mutane 5 Da Ake Zargin ‘Yan Bindiga Ne A Kano.

Rundunar ‘yansandan jihar Kano ta kama mutane biyar da ake zargi da garkuwa da mutane da satar shanu a wani samame da rundunar ta yi bayan samun bayanan sirri a kananan hukumomin Kiru da Tsanyawa na jihar.

‘Yansandan sun ce, an kai samamen ne a ranar 14 ga Disamba, 2025, wanda jami’an rundunar yaki da garkuwa da mutane ta rundunar da sauran rundunonin tsaro suka kai bayan bayanan sirri da aka samu.

A cewar wata sanarwa da jami’in hulda da jama’a na rundunar ‘yansanda (PPRO), CSP Abdullahi Haruna Kiyawa ya fitar a ranar Alhamis, an kama mutane hudu daga cikin wadanda ake zargin a Rahma Round da ke karamar hukumar Kiru bayan zagaye yankin da ‘yansanda suka yi a bisa umarnin Kwamishinan ‘yansanda, CP Ibrahim Adamu Bakori.

“Ɗaya daga cikin waɗanda ake zargin, Shafiu Ibrahim, mai shekaru 25, daga kauyen Auchanawa, karamar hukumar Ikara ta jihar Kaduna, ya amsa cewa shi mamba ne na wata kungiyar masu garkuwa da mutane da kuma hannu a jerin hare-haren satar shanu,” in ji sanarwar.

Sulaiman

+ postsBio

• Sulaiman

  Gwamnatin Tarayya Ta Mayar Da Ofishin NAGGW Zuwa Kano Domin Yaƙi Da Hamada
• Sulaiman

  Mambobin NYSC 4, Soja da Mutum 1 Sun Rasu A Hatsarin Mota A Adamawa
• Sulaiman

  Sarki Sanusi II Ya Tuɓe Rawanin Mai Unguwar Rikadawa Kan Badaƙalar Fili
• Sulaiman

  Tawagar Masanan Dakile Yaduwar Cututtuka Ta Sin Ta Isa DR Congo