Yanzu-yanzu: Atiku Yana Jagorantar Wata Zanga-zangar Tir Da INEC

Dan takarar shugaban kasa na jam’iyyar PDP a zaben shugaban kasa da aka kammala a ranar 25 ga watan Fabrairu, Atiku Abubakar, shi ke jagorantar wasu shugabannin jam’iyyar a wata zanga-zanga zuwa hedikwatar hukumar zabe ta kasa (INEC) da ke Abuja domin tir da sakamakon zaben.

Atiku ya isa Legacy House domin gudanar da zanga-zangar da misalin karfe 11 na safe inda ya hadu da wasu shugabannin jam’iyyar PDP da ‘yan uwa da magoya bayansa a wajen taron.

• Kotu Ta Bai Wa Atiku Da Obi Damar Duba Takardun Da Aka Yi Zabe Da Su

Zanga-zangar wacce aka farata da misalin karfe 11:10 na safe, ta samu halartar shugaban jam’iyyar PDP na kasa, Dr. Iyorchia Ayu da sauran mambobin kwamitin ayyuka na kasa na jam’iyyar (NWC).

Haka kuma, daga cikin masu zanga-zangar akwai shugaban kwamitin amintattu na PDP (BoT), Sanata Adolphus Wabara; Gwamnan jihar Sokoto, Aminu Waziri Tambuwal; Cif Raymond Dokpesi; tsohon gwamnan jihar Adamawa, Boni Haruna, da wasu jiga-jigan jam’iyyar.

Sulaiman

+ postsBio

• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar
• Sulaiman

  Ministan Harkokin Wajen Sin Ya Gana Da Takwaransa Na Djibouti
• Sulaiman

  Ta Yaya Ake Ci Gaba Da Fitar Da Sabbin Kayayyaki A Yayin Baje Koli Na Canton Fair