Yau Alhamis 22, ga Disamba 2022 ake sa ran za a yanke hukuncin kan shari’ar takarar gwamnan Kano a Jam’iyyar PDP ta manhajar Zoom.
A zaman da aka yi na ci gaba da sauraron karar a ranar Litinin da ta gabata, an sanar wa da mutanen ukun da ake karar da ta hannun lauyoyinsu cewa za a gabatar da hukunci a yau Alhamis ta hanyar manhajar Zoom.
- PDP A Kano: Kotu Ta Sanya Ranar Yanke Hukuncin Shari’ar Sadiq Wali Da Abacha
- INEC Ta Maye Sunan Mohammed Abacha Da Sadiq Wali A Matsayin Dan Takarar PDP A Kano
Abacha, ya garzaya kotun, yana neman ta ayyana shi a matsayin wanda ya lashe zaben fidda gwanin jam’iyyar da aka gudanar a ranar 25 ga Mayu, 2022.
Abacha, ya kuma roki kotun da ta haramtawa hukumar zabe mai zaman kanta (INEC) sanya sunan, Sadiq Aminu Wali, ko wani mutum a matsayin dan takarar gwamna a PDP a Jihar Kano a zaben 2023.
Yanzu haka INEC sunan, Sadiq Aminu Wali, ne a wurinta a matsayin dan takarar gwamnan Kano a jam’iyyar PDP sakamakon mika sunan Wali da hedikwatar jam’iyyar ta kasa ta yi.
