Za A Sake Jera Kwana Hudu Ana Zabga Ruwan Sama A Jihohin Arewa Biyar – NiMet

Hukumar kula da sararin samaniya ta Nijeriya (NiMet), a cikin sabon hasashenta, ta ce za a yi ruwan sama kamar da bakin kwarya na kwanaki hudu a jihohi biyar na arewacin kasar, da kuma babban birnin tarayya Abuja.

Jihohin da mamakon ruwan saman zai shafa sun hada da wasu sassan Kaduna, Neja, Bauchi, Filato, Nasarawa, da kuma babban birnin tarayya Abuja.

• Za A Jera Kwana UKu Ana Zabga Tsawa A Jihohin Arewa – NiMet

Acikin rahoton kuma, NiMet ta bayyana cewa ana sa ran za a samu ruwan sama matsakaici a jihohi kamar Kwara, Oyo, Kogi, Ogun, Ekiti, Ondo, Sokoto, Katsina, Zamfara, Kebbi, Kano, Jigawa, Yobe, Borno, Gombe, Adamawa, Taraba, Benue, Cross River, Akwa Ibom, Ebonyi, Enugu, Abia, Imo, Anambra, Rivers, Edo da Delta.
Rahoton ya ce ana sa ran samun ruwan sama jefi-jefi zuwa matsakaici a sauran sassan kasar nan a cikin wa’adin da aka yi nazari akai.

Don haka, An yi hasashen yiwuwar afkuwar ambaliyar ruwa a kan tituna, da kananan matsuguni da magudanun ruwa a yankunan da Ruwan Saman zai sauka da yawa.

“Saboda haka, ana shawartar jama’a da su guji zama a magudanun Ruwa, kar su shiga hanyar ruwa mai malala da karfi,” Inji sanarwar.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu