Ƙarfin Makamashin Sin Da Ake Iya Sabuntawa Ya Karu A Watannin Janairu Zuwa Afrilu

Alkaluma daga hukumar kula da makamashi ta kasar Sin sun nuna cewa, an samu karuwar karfin makamashi mai tsafta da kasar Sin ta shigar a cikin watanni hudu na farkon bana.

Ya zuwa karshen watan Afrilu, karfin wutar lantarki bisa karfin iska, ya karu da kashi 12.2 cikin 100 a shekara zuwa kusan kilowatt miliyan 380, yayin da karfin makamashi bisa hasken rana, ya kai kilowatt miliyan 440, karuwar kashi 36.6 kan na shekarar bara.

Kasar Sin ta kara zuba jarin da take yi a fannin makamashin da ake iya sabuntawa tsawon shekaru, a kokarin da take yi na samun bunkasuwa ba tare da gurbata muhalli ba. (Mai fassarawa: Ibrahim)

Sulaiman

+ postsBio

• Sulaiman

  Ƙa’idojin Gudanar Da Biyan Kuɗi Nan Take Domin Kare Kai Daga Zamba
• Sulaiman

  Falalar Yawaita Tuba Ga Ubangiji (Istigfari)
• Sulaiman

  Gwamna Lawal Ya Yi Alƙawarin Bayar Da Ƙarin Tallafi Ga Jami’an Tsaro A Zamfara
• Sulaiman

  Salon Jagorancin Kasar Sin Na Ingiza Samar Da Ci Gaba Mai Nagarta