Gwamnatin Tarayya ta amince da biyan ma’aikatan gwamnati tallafin sufuri na naira 70,000 a duk wata, domin rage musu tsadar kuɗin zirga-zirga da kuma sauƙaƙa matsin tattalin arziƙi da suke fuskanta.
Rahoton Jaridar Leadership ya bayyana cewa an amince da tallafin ne a wani mataki na gwamnati na tallafa wa ma’aikata sakamakon tsadar sufuri da ƙarin kuɗin gudanarwar 8da rayuwa. Tallafin zai taimaka wajen rage kuɗin da ma’aikata ke kashewa wajen zuwa wurareno aikinsu da komawa gida.
Matakin ya zo ne a daidai lokacin da ma’aikata da dama ke kokawa kan hauhawar farashin kayayyaki da tsadar sufuri, musamman a manyan biranen Nijeriya. Ƙarin kuɗin sufuri na daga cikin buƙatun da ma’aikata ke gabatarwa domin sauƙaƙa musu nauyin da sauye-sauyen tattalin arziki suka jawo.
Sai dai har yanzu ana buƙatar ƙarin bayani kan ranar fara biyan tallafin, da ma’aikatan da za su cancanci karɓarsa, da kuma ko za a biya shi ga dukkan ma’aikatan gwamnati ko kuma wasu rukuni ne kawai.
Haka kuma, rahoton bai fayyace ko tallafin zai kasance na dindindin ko na wani takamaiman lokaci ba.
