Gwamna Monday Okpebholo na jihar Edo ya umurci ‘yan kwangila da su koma wuraren aiki tare da gyara ayyukansu da suka lalace a babban birnin Benin.
Okpebholo ya ba da wannan umarni ne a ziyarar gani da ido na titin ‘Upper Mission Extension Road’ da ke hanyar madatsar Aduwawa da ‘Ramat Park’ a Benin.
- Gwamnan Kaduna Zai Tallafa Wa Masu Zanga-Zangar #EndBadGovernance Da Aiki
- Bashin Da Ake Bin Nijeriya Ya Haura Dala 42.9bn – Rahoto
Okpebholo ya ce, gwamnatinsa bisa sabon tsarin shugaba Tinubu na ‘sabunta fata na gari’, ya dukufa wajen dawo da fata nagari ga mutanen Edo.
Da yake nuna rashin jin dadinsa game da halin da hanyoyin ke ciki, Okpebholo ya tabbatar wa jama’a cewa, za a fara aiki nan take, inda ya kara da cewa, a shirye ya ke ya mika romon dimokuradiyya ga jama’arsa.
Ya jaddada cewa, al’ummar Edo sun cancanci hanyoyi masu kyau kuma masu rai.
ADVERTISEMENT
