An Fara Tuntubar Iyalan Tawagar ‘Yan Biki Su 30 Da Aka Sace A Hanyar Zuwa Sakkwato

‘yan bindigar da suka yi garkuwa da tawagar ‘yan biki Mutum 30 a Hanyar Sokoto zuwa Gusau sun fara tuntubar iyalan wadanda abin ya shafa.

Sai dai rundunar ‘yan sandan jihar Sakkwato, wadda a kasarta lamarin ya faru, har yanzun ba ta ce uffan ba.

• Ban Taba Ganin Rashawa Mafi Muni Fiye Da Ta Gwamnatin Buhari Ba – Bishop Oyedepo

Kakakin rundunar ‘yan sandan, ASP Sanusi Abubakar, yaki daukar waya ballantana ya maido da amsar sakonnin da aka tura masa domin tabbatarwa da karin bayani kan lamarin.

Sai dai Sakataren Kungiyar Sadarwa ta Jihar Zamfara Ashiru Zurmi ya ce “An yi garkuwa da mambobin 30, kuma har yanzu suna tsare. Sai dai an yi sa’a, ‘yan bindigar sun yi amfani da wayoyin wadanda suka kama (Mutum biyar) sun kira mu; kawai sun sanar da mu cewa suna tare da su”.

A cewarsa, babu wani kudin fansa da barayin suka nema.

Ku tuna cewa akalla mutane 30 ne rahotanni suka ce an yi garkuwa da wasu ‘yan tawagar biki suna dawowa daga taron biki a karamar hukumar Tambuwal ta jihar Sakkwato da yammacin ranar Asabar wasu ‘yan bindiga sun yi awon gaba da motocin su a kan hanyar Sakkwato zuwa Gusau.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina Kasa