Gwamnatin kasar Sin ta fitar da tsarin bunkasa darajar cinikayyar kayayyaki, zuwa kusan kudin Sin RMB yuan tiriliyan 60, kwatankwacin dalar Amurka tiriliyan 8.8, yayin shirin raya kasa na shekarar 2026 zuwa 2030, tare da karfafa tasirin sayayya wajen ingiza ci gaban tattalin arzikin kasar.
A baya-bayan nan ne majalisar gudanarwar kasar Sin ta amince da shirin, wanda dai ya yi matukar bunkasa adadin sayayyar iyalai idan an danganta da mizanin GDPn su, tare da gaggauta ingiza jimillar sayayyar kayayyaki da hidimomi da jama’a ke bukata.
Shirin zai kunshi karin wasu sassa da suka hada da inganta tsarin sayayya, da ci gaba da kyautata fadin sayayya, da inganta samar da kayayyaki da hidimomi, da kara bunkasa yanayin sayayya.
Yayin shirin bunkasa kasa na shekaru biyar-biyar karo na 14, wanda aka aiwatar tsakanin shekarar 2021 zuwa 2025, kasuwar sayayyar kayayyaki ta Sin ta cimma manyan nasarori, inda a shekarar 2025 darajar jimillar sayayyar kayayyaki da aka yi a kasar ta kai yuan tiriliyan 50.1, adadin da a karon farko ya haura kudin Sin yuan tiriliyan 50. (Saminu Alhassan)
