An gabatar da bikin share fagen shirin talibijin na murnar sabuwar shekara bisa kalandar gargajiyar kasar Sin mai taken “Duniya tana kallon shirin bikin bazara” a birnin Alkahira na kasar Masar. Babban rukunin gidajen rediyo da talabijin na kasar Sin CMG da ofishin jakadancin Sin dake Masar da ma’aikatar yawon bude ido da hukumar bunkasa yawon bude ido ta Masar ne suka shirya bikin.
Yayin bikin, shugaban CMG Shen Haixiong ya gabatar da jawabi ta kafar bidiyo inda ya ce a matsayin shirin al’adu mafi yawan masu kallo a fadin duniya, an shafe shekaru 43 ana gudanar da shagalin murnar bikin bazara na CMG. Kuma a bana, CMG zai yi amfani da fifikonsa na watsa shirye shirye cikin harsuna 85 wajen gabatar da kayataccen shirin na al’adu ga masu kallo a gida da wajen kasar Sin. (Mai fassara: FMM)
