Da safiyar yau Laraba, an gudanar da taron bayar da kyaututtuka na kimiyya da fasaha na kasa, da babban taron hadin gwiwar kwararru daga sashen nazarin kimiyya da injiniyanci na kasar Sin, da kuma babban taron wakilan kungiyar kimiyya da fasaha ta kasar Sin karo na 11 a birnin Beijing, inda shugaban kasar Xi Jinping ya mika kyaututtuka ga wadanda suka sami lambobin yabo na kimiyya da fasaha na matakin koli na kasar, sannan ya gabatar da muhimmin jawabi.
Saboda bayar da kyaututtuka ga mutane da kungiyoyi wadanda suka ba da babbar gudummawa ga ci gaban kimiyya da fasaha, da karfafa sha’awar ma’aikatan kimiyya da fasaha ga aikinsu, da kuma gina kasa mai kirkire-kirkire da kuma karfin kimiyya da fasaha a duniya, kasar Sin ta kafa tsarin ba da kyaututtuka na kimiyya da fasaha na kasa.
A yau Laraba, an nuna wadanda suka samu lambobin yabo na kimiyya da fasaha na kasa na shekarar 2025, inda wasu masana kimiyya da manyan nasarorin da aka samu suka sami kyaututtukan.
An ba da kyaututtukan kimiyya da fasaha na matakin koli na kasar ga malamin hukumar nazarin Physics na sashen nazarin kimiyya na Sin, Chen Liquan, da kuma malami na cibiyar nazari ta 14 ta kamfanin kimiyya da fasahar lantarki na kasar, Ben De.(Safiyah Ma)
